- Dettagli
- Scritto da Administrator
- Categoria: Racconti in Dialetto
- Visite: 44
Strasse
Stavolta go voia de parlar del Carneval. Quel de una volta, se capissi, perché quassù el carneval no esisti.
I ga el shrove tuesday, che corispondi al martedì grasso, ma quassù el xe conossudo come el giorno dei amlet. E ancora de qualche parte xe in uso la tradission fra le done de far una lunga corsa in qualche bela radura verde tegnindo in man una farsora con dentro l’amlet (bel suto), sercando de farlo voltar più volte che se pol fin che se riva al traguardo. El mercoledì, come de noi, xe el giorno dele ceneri.
Ma mi go voia de ricordar el “nostro” Carneval, ossia quel del’“ultima mularia” de Pola. Za dopo le feste natalissie se cominciava a veder lungo le vie i “coriandoli”, quei tondini de carta de tuti i colori che se comprava in pacheti nele cartolerie e se li tiravimo drio tornando a casa de scola. (No credaré? Quassù i li ciama... “confeti”! Propio cussì!)
- Dettagli
- Scritto da Administrator
- Categoria: Racconti in Dialetto
- Visite: 55
A partire da questo numero, per alcune puntate, un 91enne esule polesano che preferisce l’anonimato ci racconterà in dialetto, sulla base delle sue reminiscenze e di sue ricerche storiche, la Pola che fu dal 1930 al 1940.
Dopo un lungo letargo del dopoguera, nel 1930 Pola se sveia tra una metamorfosi de atività urbana e aparente prosperità economica. Sto decenio xe pien de vita alegra. Se bala per ogni canton. A le osterie no ghe manca i clienti.
Leggi tutto: UN MULO RICORDA LA SUA CITTA' NEL DECENNIO 1930-1940
- Dettagli
- Scritto da Administrator
- Categoria: Racconti in Dialetto
- Visite: 46
Ogni fior una storia
Quassù a Londra xe facile rinfrescar la memoria per colegamento, dato che la vegetassion xe la stessa che gavevimo a Pola, solo più rica e con tanti fiori in più che no go mai visto prima. Cussì passerò in rassegna le piante più vicine a noi sercando de abinarle a episodi riguardanti l’ultima mularia polesana, ossia quela del nostro pra’. Comincerò dala modestissima, insignificante “parente povera” del’euforbia de giardin che noi tuti ciamavimo “la pianta del late”, perché a romperghe el gambo la molava un liquido bianco e vis’cioso che pareva... late autentico.
- Dettagli
- Scritto da Administrator
- Categoria: Racconti in Dialetto
- Visite: 45
Mama ricordava spesso el sior Privileggi, originario de Parenso, che stava al pianteren de Casa Ziz in un quartierin dela parte del prà e el iera stà un “gua”.
Ogni matina sior Privileggi iera sentà nela corte a leger el giornal e spesso ghe piaseva vegnir se de noi per far la ciacolada con mama. Dopo l’esodo ela ogni tanto ghe piaseva rievocar sto episodio in merito a quei pacifici scambi de opinioni quando che la vita là de noi scoreva serena sensa scosse particolari.
Mama ghe tegniva assai a gaver le finestre nete e lustre e, pur gavendo qualche aiuto de fora per i lavori casalinghi più pesanti, le lastre la se le gaveva sempre lavade da sola. E no iera roba de poco.
- Dettagli
- Scritto da Administrator
- Categoria: Racconti in Dialetto
- Visite: 49
Dialeto e... lingua
Ogi go voia de parlar del nostro dialeto. In un tempo assai lontan su “L’Arena” le discussioni in merito se fasseva “calde”. Mi iero de larghe vedute. Ognidun che lo parlassi e lo scrivessi come che ghe pareva meo, ma ricordarse de esser ciari e no tropo astrusi nel esprimerse perché fra i letori poderia esserghe qualchedun che el nostro dialeto no lo conossessi.