- Dettagli
- Scritto da Administrator
- Categoria: Canzoni
- Visite: 53
Pola romana
Sta mia cara e vecia Pola
la se fa sempre più bela
la me par proprio una stella,
piena de italianità;
un soffion de vita nova,
se ghe senti per le strade
per le rive sue bagnade
de sto nostro caro mar.
Le mule palesane
xe tanti botonzini
de rose senza spini
fate per far l’amor.
Se in questo mondo mato
Zità trové più bela,
de Pola la mia stela
mi là voria morir.
Oltre a tute ste beleze
de la nostra capitale
xe la Rena colossale
la gran Roma a ricordar,
xe latini i nostri colli
xe latini anche i vigneti
soto i rusteghi mureti
com'è bello a far l’amor.
Le mule palesane
xe tanti botonzini
de rose senza spini
fate per far l’amor.
Se in questo mondo mato
Zità trové più bela,
de Pola la mia stela
mi là voria morir.
(L.Speranza - A.Saitz)
- Dettagli
- Scritto da Administrator
- Categoria: Canzoni
- Visite: 55
In Via Minerva
Disi un proverbio “molighe”
quando che imbianca el crin
lassila andar la femmina
e tachite al bon vin.
Se te se suga l’ugola
drio de quel canton
ti troverà una betola
che vendi de quel bon.
In via Minerva
xe un’osteria
xe l’alegria
del polesan.
Se vado esule
la porto via
quell’osteria
con mi lontan.
Là xe Giovanni Mandola
xe Pieracota e Gin,
tuti avventori nobili
el popolo più fin.
Dopo un tressete e briscola
un goto de nostran
dò canzonete celebri
del vecio polesan.
In via Minerva
xe un’osteria
xe l’alegria
del polesan.
Se vado esule
la porto via
quell’osteria
con mi lontan.
(Arturo Daici - Giovanni Lo Martire)