Dettagli

Scritto da Administrator

Categoria: Canzoni

Pubblicato: 05 Luglio 2020

Visite: 44

Testo: Silvia Lutterodt Sizzi      Musica: Mario Laudani

Nostro dialeto rico de color
tra tutte le richesse, unico ben
quanti modi de dir che me sovien
che me riporta l'alegria nel cuor.

Tanto piaser me fa a ricordar
perchè me par de star ancora là
nela nostra amatissima cità
che me compagna sempre a sognar.

"Vestidi tuti in gringola con tanto de morbin.
Parlavino anche in "cichera" perchè era più fin.
Tra graie spini e grembani andavino a marciar
pansade noi ciapavimo tociandose nel mar."

Desevimo minestra de piron
butarla in walzer, far el materan
lassar la rabbia d'ogi per doman
ciapar la bala e po' ... tegnirse in bon

drio la manera 'l manigo butar
e rider tanto fin che manca il fià
con l'animo de un "mulo imboressà"
sighemo "viva Pola e viva il mar"

FINALINO
"da scola scapolavimo e via per boschi e prà
girando nel selvadigo in piena libertà"

in libertà...

Dettagli

Scritto da Administrator

Categoria: Canzoni

Pubblicato: 05 Luglio 2020

Visite: 45

Testo: Silvia Lutterodt Sizzi      Musica: Mario Laudani

Sonava in lontananza una campana,
roba che qua se senti assai de raro,
la sensasion provada iera strana:
tanti ricordi dolsi e uno amaro.

Pensavo ai nostri cari polesani
che voleria riunirse ancora adesso,
e pur vivendo tuti assai lontani
insieme i se ritrova tanto spesso.

Bianco xe 'l late, rosso xe 'l vin,
là che se canta son sempre vicin.
Scuro de note, luce del dì
là che se ridi, ghe son anche mi.

Xe chi che se diverti a contar bori
e quei che vivi solo per la boba;
i tersi che xe stadi sempre siori
e vol vederse carighi de roba.

Noi altri se sentimo assai contenti
co' se trovemo in bona compgnia,
a ricordar de Pola i bei momenti
vissudi col morbin e l'alegria.

Bianco xe 'l late, rosso xe 'l vin
là che se canta son sempre vicin.
Scuro de note, luce del dì
là che se ridi, ghe son anche mi.

FINALINO
Bianco xe 'l late, rosso xe 'l vin
là che se canta son sempre vicin.
Mar de smeraldo, sol e calor,
la nostra Pola xe 'l nostro tesor!

Dettagli

Scritto da Administrator

Categoria: Canzoni

Pubblicato: 05 Luglio 2020

Visite: 41

Coreva andar pel mondo. . .?

Co` la fiaca strassinando i pie`,
un giorno in bosco Siana tornero`,
de ciclamini un masseto ingrumerò
e a casa in un bicer li metero`,
per ricordar con tanto amor,
la` dove un giorno go lassado el cuor.

Coreva andar pel mondo ?,
e tanto tribolar,
per capir che tuto il mondo,
lo gavevimo qua !

A xe cosi la vita ,
ghe vol ciorla come che la vien,
bastava un toco de sofita,
e volerse un po de ben.

Gente bona, gente cativa,
dapertuto ti pol trovar ,
ma la tua tera no` te ga mai inganà,
ti vedi la se ancora qua;

Le bianche sponde, i verdi oliveti,
el sol che mori sui veci teti.

. . . . . . . . .
Coreva andar pel mondo ?
. . . . . . . . . .
. . . . . . . . . .

Parole di Pietro Soffici.
Musca di Pietro soffici.

Dettagli

Scritto da Administrator

Categoria: Canzoni

Pubblicato: 05 Luglio 2020

Visite: 42

L’adio

I disi che bisogna far valise
che in primavera dovarò pompar
con quatro fazoleti e dò camise
e co dò brazi che sa lavorar.
Se devo andar te vojo dir adio,
come sa dir adio un polesan,
e saludarte come un vero fio
che parti per andar assai lontan.

Solo dò lagrime,
una per ocio
e po’ in zenocio
questa tera baserò.
Solo dò lagrime
el cor in gola
mia cara Pola
mi te saluderò.

Adio vojo dirghe ala caseta
Dove che go pasà la gioventù,
adio a questa tera benedeta
perché se vado no te vedro più.
Con la coscienza più che mai serena
dò robe vojo cior per ricordar
in t’un scartozo un tochetin de Rena
in’na fiascheta un fià del tuo bel mar.

Solo dò lagrime,
una per ocio
e po’ in zenocio
questa tera baserò.
Solo dò lagrime
el cor in gola
mia cara Pola
mi te saluderò.

Parole di Arturo Daici Musica di Olindo Pascotto