Menu Content/Inhalt
Home arrow Poesie e canzoni arrow Poesie arrow SAN NICOLO' DI SERGIO FANTASMA
SAN NICOLO' DI SERGIO FANTASMA

San Nicolò

Co stavo a Pola
'ncora putel 
el sei de dicembre 
iera el giorno più bel;
'vardando dal leto
sora el comò,
vedevo i regali
de San Nicolò.

Tuto contento
sveiavo i fradei
portandoghe via
i tochi più bei.

'Desso son grande
no speto più gnente
ma a ti te domando
un fià riverente:
o San Nicolò,
ma in quela cità
per noi benedeta
ghe xe qualche picio
che 'ncora te speta?

Sergio Fantasma poeta novantenne